Entrega relato anual 2023 Ombudsman

Riba 16 di yüli 2024 Ombudsman di Kòrsou, Keursly Concincion, a hasi entrega di su relato anual di aña 2023 na Presidente di Parlamento di Kòrsou, señora Charetti America-Francisca. 

Den e relato a para ámpliamentu ketu na e echo ku e instituto di Ombudsman a kumpli 20 aña di eksistensia den 2023. E selebrashon di e logro aki a konsistí prinsipalmente den un reflekshon interno riba e futuro di e instituto i kon por oumentá esaki su efektividat. Un di e resultadonan mas importante ku a sali for di e reflekshon – e nesesidat pa muda na un edifisio ku ta mihó alkansabel ku transporte públiko – a keda realisá den 2023.

Den 2023 Ombudsman a atendé tambe 710 petishon, di kua e mayoria tabata tin di haber ku e echo ku gobièrnu no a reakshoná riba kartanan of petishonnan di siudadanonan òf otro organisashonnan. Un gran parti di e petishonnan aki a keda solushoná den konsulta estrecho ku e organisashonnan gubernamental korespondiente. E tres ministerionan tokante kua Ombudsman a risibí mas reklamo den 2023 tabata: 

Ministerio di Tráfiko, Transporte i Planifikashon Urbano [TTPU]  65
Ministerio di Hustisia64
Ministerio di Finansa40

Un kantidat di 17 rapòrt di investigashon a keda skibí den aña 2023. Di e rapòrtnan aki, 15 tabata tin di haber ku ministerionan di gobièrnu i den nan a keda hasí 34 rekomendashon ofisial. E 15 rapòrtnan aki, ku nan respektivo rekomendashonnan, a keda skibí tokante:

Ministerio di TTPU10 rapòrt[18 rekomendashon]
Ministerio di Hustisia2 rapòrt[7 rekomendashon]
Ministerio di Salubridat, Medio Ambiente i Naturalesa2 rapòrt[4 rekomendashon]
Ministerio di Desaroyo Ekonómiko1 rapòrt  [2 rekomendashon]

E relato anual 2023 di Ombudsman por keda lesá akilink to document