Entrega di un konsepto di lei Ontwerplandsverordening maneho di keho Kòrsou 2022
E fail aki ta den archivo.
Dia 20 di desèmber 2022 Ombudsman di Kòrsou, Keursly Concincion, a hasi entrega di un konsepto di lei na Minister di Maneho di Gobernashon, Planifikashon i Servisio Públiko, señor mr. Ornelio Martina, den kua ta keda proponé pa instituí reglanan uniforme i transparente pa e forma kon gobièrnu internamente ta atendé ku su propio kehonan.
E konsepto di lei aki ta e resultado di palabrashonnan hasí anteriormente entre Ombudsman i Minister, i tin komo meta prinsipal pa kontribuí na mehorashon di e kalidat di servisio di gobièrnu na komunidat.
Despues di entrega di e konsepto di lei, esaki awor lo bai kana e proseso di evaluashon i konseho den e Ministerio di Maneho di Gobernashon, Planifikashon i Servisio Públiko.
